- సినీ రంగాన్ని శోభాయమానం చేసిన స్టార్ వెడ్డింగ్!
టాలీవుడ్ యంగ్ హీరో అక్కినేని అఖిల్ ఆఖరికి ఒక్క ఇంటివాడయ్యారు. ఆయన ప్రేమికురాలు జైనాబ్ రవ్జీతో కలిసి, శుక్రవారం హైదరాబాద్‌లోని అన్నపూర్ణ స్టూడియోస్లో జరిగిన అట్టహాసమైన వేడుకలో పెళ్లి కొడుకుగా ఏడడుగులు నడిచారు. గతేడాది నవంబరులో ఈ జంట నిశ్చితార్థం జరుపుకున్న విషయం తెలిసిందే. ఈ పెళ్లి ఈ ఏడాది తెలుగు సినిమా ఇండస్ట్రీలో అత్యంత ఆసక్తికరంగా ఎదురుచూసిన ఈవెంట్‌గా నిలిచింది.
వివాహ వేడుకకు తారల సందడి :
ఈ గ్రాండ్ వెడ్డింగ్‌కి టాలీవుడ్ దిగ్గజాలు హాజరై కొత్త వధూవరులను ఆశీర్వదించారు. మెగాస్టార్ చిరంజీవి, స్టార్ డైరెక్టర్ ప్రశాంత్ నీల్, గ్లోబల్ స్టార్ రామ్ చరణ్ దంపతులు, దగ్గుబాటి కుటుంబ సభ్యులు ఇతర ప్రముఖులు హాజరై వేడుకకు ప్రత్యేక ఆకర్షణగా నిలిచారు.
అఖిల్ తల్లిదండ్రులు నాగార్జున – అమల ఈ వేడుకకు సినీ పరిశ్రమతో పాటు రాజకీయ ప్రముఖులను కూడా ఆహ్వానించారు. తెలుగు రాష్ట్రాల ముఖ్యమంత్రులను స్వయంగా కలిసి పిలవడం ద్వారా ఈ వేడుకకు ఉన్న ప్రాధాన్యత మరింత స్పష్టమవుతోంది. జైనాబ్ రవ్జీ ముంబైలో నివసిస్తూ, ప్రతిభావంతురాలైన ఆర్టిస్ట్ మరియు పర్ఫ్యూమర్ గా పేరు పొందారు. ఆమె రూపొందించే ఎక్స్‌ప్రెసివ్ అబ్‌స్ట్రాక్ట్ పేయింటింగ్స్, అలాగే “Once Upon The Skin” పేరుతో నడిపిస్తున్న ఫ్రాగ్రెన్స్ బ్లాగ్‌కు దేశవ్యాప్తంగా మంచి ఫాలోయింగ్ ఉంది. హైదరాబాద్‌లో జన్మించిన జైనాబ్, ప్రముఖ వ్యాపార కుటుంబానికి చెందినవారు. అంతేకాకుండా ఆమె ఎం.ఎఫ్. హుస్సేన్ దర్శకత్వంలో తెరకెక్కిన “Meenaxi: A Tale of Three Cities” సినిమాలో చిన్న పాత్రలోనూ నటించారు.
అఖిల్ మరియు జైనాబ్ నిశ్చితార్థం పూర్తిగా ప్రైవేట్‌గా జరిగిందని తెలిసిందే. గతంలో 2017లో ఫ్యాషన్ డిజైనర్ శ్రియా భూపాల్తో అఖిల్ నిశ్చితార్థం చేసుకొని, తర్వాత కొన్ని కారణాల వల్ల అది రద్దయింది. ఈ నేపథ్యం కారణంగా ఇప్పుడు జరిగిన పెళ్లి పై అభిమానుల్లో మరింత ఆసక్తి నెలకొంది.
విశ్వసనీయ సమాచారం ప్రకారం, కుటుంబ సభ్యుల సమక్షంలో జరిగిన ఈ వేడుక అనంతరం, ఈ నెలాఖరులో రాజస్థాన్‌లోని జోధ్‌పూర్‌లో ఒక భారీ రిసెప్షన్ ప్లాన్ చేస్తున్నారు. ఈ వివాహ వేడుక దేశవ్యాప్తంగా మీడియా కవర్ చేసిన ప్రముఖ ఘట్టంగా నిలిచింది. అఖిల్ – జైనాబ్ పెళ్లికి సంబంధించిన ఫోటోలు, వీడియోలు సోషల్ మీడియాలో వైరల్ అవుతూ, వేలాదిమంది అభిమానులు, సినీ ప్రముఖులు నూతన దంపతులకు శుభాకాంక్షలు తెలుపుతున్నారు. వారి జీవితం ఆనందమయంగా కొనసాగాలని కోరుకుంటున్నారు.
https://x.com/i/status/1930753289395507582
Read : Naga Chaitanya : నాగచైతన్య రెస్టారెంట్ పై ఎన్టీఆర్ ఆసక్తికర వ్యాఖ్యలు
